მე ვარ ქართველი!
სხვანაირად როგორ შეიძლება დავიწყო სტატია ამ ძნელბედობის ჟამს.
არ მჯერა, რომ საქართველოს მიწაზე დაბადებულისთვის ამაზე უფრო საამაყო სიტყვები არსებობდეს.

ჩვენ ქართველი მოთამაშეები წარმოვაჩენთ ჩვენს ქვეყანას ამ ვირტუალურ დამპალ თამაშში.
ჩვენი ავით თუ კარგით.
ჩვენ უცხოელმა რო გვკითხოს, სადაური ხარო, არ მჯერა რომ ეტყვით კანადელი ვარ ან შვეიცარიელიო.
მე მჯერა, რომ თქვენ იტყვით - მე ვარ ქართველი!ჩემო მეგობრებო, მოძულეებო თუ უბრალოდ ქართველო მოთამაშეებო,
დღეს ყველაზე დიდმა იმპერიამ გადაწყვიტა დაიპყროს ჩვენი ქვეყანა. წამოვიდა არა მხოლოდ ერთი, არამედ თავის მონებთან ერთად, ხორვატიელებთან ერთად. მათ სურთ, რომ დაგვამცირონ. დაგვიწერონ შეურაცხმყოფელი სტატიები, შეურაცხყოფა მიაყენონ ჩვენს ქვეყანას და თითოეულ მოთამაშეს. მათი აზროვნება აქამდე დადის. კარგად ვიხილეთ, თუ როგორ მოექცნენ ჩვენს ალბანელ ძმებს.

მახსოვს, ერთმა ახვარმა სერბმა დაგვცინა აფხაზეთზე და სამაჩაბლოზე. მაშინ საკადრისი პასუხი გავეცით, მაგრამ ამით მხოლოდ მინდა გაჩვენოთ თუ ვინ მოდის და რა გველოდება, თუ ერთად არ დავდგებით და უკანასკნელ შესაძლებლობებს არ გამოვიყენებთ მათ დასამარცხებლად!

ბევრისთვის უცნაური იყო ვირტუალურ საქართველოში იმპერიობა. დღეს საქართველო ისეთივე განსაცდელშია, როგორც რეალურ საქართველოში. იმედი მაქვს, რომ გადადებთ ყველანაირ შუღლს. გამოიყენებთ ყველანაირ რესურსს და დავამარცხებთ ამ მონსტრებს. 

დღეს მთავარი არის მობილიზაცია და რწმენა იმისა, რომ თუ ბოლომდე ვიბრძოლებთ ვერ დაგვიმორჩილებენ. მე არ მჯერა, რომ კავკასიური არწივი დანებდება. მე მჯერა ვაჟას არწივის, რომელიც ბოლომდე ებრძვის ყვავ-ყორნებს. მე მჯერა თქვენი!

12 აგვისტო დიდგორის გამარჯვების დღეა, 14 აგვისტო აფხაზეთის ომის დაწყების, 18 აგვისტო დიდი ქართველი - გიორგი ანწუხელიძის.
შენ, რომელიც ამ სტატიას კითხულობ - გახსოვდეს, რომ ამ ქვეყნიდან ხარ. და ამ მცირე სოციუმში გაქვს ვალდებულება დაიცვა საკუთარი სამშობლო ბოლომდე! დაიცვა საკუთარი ქვეყნის ღირსება! დაიცვა ისტორია, რომელსაც შენ ქმნი!

მე თენგო კალანდაძე ვარ, მზად ვარ ბოლომდე ვიბრძოლო! დავხარჯო მთელი ჩემი ხელფასი! ჩემი ძვირფასი დრო და საქართველო გადავარჩინო!
გადადე შენი დრო! დაუბრუნდი თამაშს! დაუბრუნდი ქვეყანას! 
საქართველოს დღეს შენ სჭირდები!

მე ვარ ქართველი!
მე ვარ გიორგი ანწუხელიძის ქვეყნიდან!
მე ვარ დიდგორელთა ქვეყნიდან!
მე არასოდეს დავნებდები!

დიდება საქართველოს!
დიდება გმირებს!