Во првата фаза од подготвителниот период, од 27 јули до 22 август, Вардар ќе одигра пет пријателски натпревари.
Подготовките за сезоната 2016/2017 Вардар ќе ги почне на 27 јули. За тогаш е закажан првиот собир во „Јане Сандански“, а набргу потоа нашата екипа ќе замине на подготовки во Крањска Гора. 
Престојот во словенечкиот тренинг-центар е планиран од 1 до 12 август, период во кој веќе се закажани две пријателски средби со екипата на Горење. Натпреварите на 6 и 10 август ќе бидат првите тестови на екипата во пресрет на бурната сезона.
Градењето на формата ќе ја продолжиме во Белорусија, каде што домаќин ќе ни биде тимот на Мешков. Во Брест ќе бидеме од 18 до 22 август, каде што ќе одиграме силен подготвителен турнир против домаќинот, Висла Плоцк и против француски Сесон Рен.
Почнуваме со Французите на 19 август, наредниот ден играме со Висла, а на 21 против Мешков Брест. На 22 август екипата се враќа во Скопје.